Hjúkrunarfræðingum, sem eru stærsta heilbrigðisstétt landsins, býðst að kaupa spilið Kynstrin öll á sértilboði fram til jóla; 5000 kr. að viðbættum sendingarkostnaði í póstkröfu. Pantanir sendist til: jona@kynstur.is
Ástráður, félag forvarnanema, eitt af mörgum félagasamtökum sem uppgötvað hefur spilið Kynstrin öll, hefur þetta um spilið að segja:
Kynstrin öll er spil sem gaman er að og kemur skemmtilega á óvart.
Fátt er jafnmikilvægur né jafnumtalaður þáttur í lífi mannsins og kynlífið og hefur Jónu Ingibjörgu Jónsdóttir, kynfræðingi, með sanni tekist að skapa spil sem hentar jafnt ungum sem öldnum um það málefni.
Ástráður hefur nú í áratug sinnt kynfræðslu ungmenna á Íslandi og haft það að markmiði að koma á framfæri upplýsingum og vekja umræður meðal ungs fólks um kynheilbrigði.
Kynstrin öll er tilvalið spil til að bæta samskipti og efla umræðu meðal unglinga og einnig á milli unglinga og foreldra. Spilið tengir á skemmtilegan hátt allt milli himins og jarðar sem kemur að almennum kynferðismálum.
Spilið er hreint ekki vandræðalegt þar sem það byggist ekki á því að fólk segi frá eigin kynlífsreynslu heldur ræði um kynlíf almennt, hvað getur verið skemmtilegra en það!
Spilið er spurningaspil með fimm flokkum; menning, sambönd, kynhegðun, líkaminn og taka sénsinn og oftast er stutt í hláturinn í hverjum flokki. Spilið er fjölfræðilegur upplýsingabanki sem vekur upp skemmtilegar og forvitnilegar umræður jafnt sem rökræður.
Ástráður hvetur alla til að kynna sér Kynstrin öll. Hér er á ferðinni spil sem enginn ætti að láta fram hjá sér fara enda er spilið hið fyrsta sinnar tegundar hér á landi.
Ástráður hélt spilakvöld fyrr á árinu og hér má sjá dæmi um það sem læknanemar höfðu um spilið að segja:
,,Skemmtilegt og fræðandi spil fyrir ungt fólk á öllum aldri”
„Kynstrin öll er alveg frábært spil! Það er skemmtilegt, fræðandi og býður upp á fjörugar umræður – allt í senn. Spilið er líka svo nýtt og ferskt, öðruvísi en öll hin spilin. Við hlógum mikið og skemmtum okkur konunglega!“
„Það sem kom mér mest á óvart var hvað spilið skapaði góðan anda fyrir opna og jákvæða umræðu um kynlíf.“
,,Spilið var skemmtilegt og öðruvísi, á góðan hátt. Ég myndi segja að þetta væri í raun fyrir alla, kannski aðallega ungt fólk og örugglega mjög sniðugt fyrir unglinga, til að minnka fordóma og auka skilning á þessu „tabú“ máli.”
,,Kynstrin öll er umfram allt skemmtilegt spil, sem fjallar um kynlíf á heilbrigðan hátt.”
,,Kynstrin öll kom mér virkilega á óvart. Ég hef sjaldan haft jafn gaman af borðspili. Spilið vakti skemmtilegar umræður og það var mikið hlegið í hópnum.”
Hér má lesa um verkefnið Kynlíf og krabbamein sem birtist í Fréttablaðinu 8. mars 2011.
Loksins stígur fræðimaður fram í H.Í. sem þorir að tala um kynferðislega ánægju.
Á vegum Danska kynfræðifélagsins (Dansk forening for klinisk sexologi) eru reglulega haldnir svonefndir Hertoft eftirmiddage; fyrirlestrar um hin ýmsu erindi sem varða kynfræði beint og óbeint. Í vikunni var haldin fyrirlestur þar sem danskur félagsfræðingur rýnir í fjölmiðlaumfjöllun um kynverund (sexuality). Lýsing á innihaldi fyrirlestursins minnir óþyrmilega á íslenskan veruleika.
Vil benda á áhugaverða heimildamynd um tvo einstaklinga sem fara leiðréttingaraðgerð á kyni og sjá síðan eftir þeirri ákvörðun.
Kíkið á Bíó Paradís á sunnudaginn kemur kl. 16. Pallborðsumræður á eftir.
Þann 1. janúar s.l. hófst tveggja ára verkefni á Landspítala háskólasjúkrahúsi.
Markmiðið er tvíþætt: bjóða krabbameinsgreindum einstaklingum og aðstandendum ókeypis kynlífsráðgjöf og þjálfa og fræða starfsfólk svo það verði öruggara í að ræða um kynferðismál við sjúklinga.
Ég hef verið ráðin starfsmaður verkefnisins.
Á föstudaginn verður boðið upp á fyrirlestur og vinnusmiðju.
18. nóvember 2010 Um miðjan desember kemur í verslanir nýtt og öðruvísi spurningaspil. Spilið vekur fjörugar umræður meðal leikmanna um allt milli himins og jarðar í sambandi við samskipti kynjanna og kynferðismál. Skemmtilegur fróðleikur um málefni sem allir ættu að vita kryddar spilið.
Jóna Ingibjörg Jónsdóttir hjúkrunar-og kynfræðingur er hugmyndasmiður spilsins en Finnur Jóhannsson Malmquist grafískur hönnuður á heiðurinn af útliti.
Sjá nánar á vefsíðu spilsins og facebook síðu. Hægt er að komast í lukkupottinn á facebook en dregið verður úr nöfnum þriggja heppinna einstaklinga þann 22. des. n.k. sem hljóta spilið í verðlaun.
19. október 2010 SEX DAGAR eru haldnir í fyrsta skipti í tilefni þess að formlegt nám í kynfræði er nú í boði á Íslandi. Kynfræðifélag Íslands hafði frumkvæði að boðið var upp á nám í kynfræði við Háskóla Íslands.
